Venderdis, ils 17-12-2021 allas 19.00
«Mintg’ onn mein nus in toc enviers Betlehem egl Advent» Papa Francestg
Cordial invit a nossa devoziun d’Advent che vegn preparada dall’Uniun da dunnas Laax en collaboraziun cun il plevon dalla pleiv reformada Sagogn Laax Falera, ser Daniel Hanselmann.
La devoziun ei per in e scadin; per nos seniors, per las dunnas, per ils affons e per tut ils interessai.
Ensemen lein nus semetter sin via viers Betlehem. La glisch da Betlehem che vegn era numnada la glisch dalla pasch, sclarescha quella sera en nossa baselgia.
Vus essas cordialmein envidai da purtar la glisch dalla pasch tier vus a casa cun ina candeila che vegn messa a disposiziun en baselgia.
Ei vala igl obligatori da certificat Covid e da purtar mascrina.
